Steinsfoss kraftverk
Steinsfoss kraftverk er eit vannkraftverk i Otra i Vennesla kommune. Kraftverket utnyttar tre fall i Otra; Steinsfoss, Paulenfoss og Urfoss. Den totale fallhøgda er 57,4 meter. Tunnelen som fører vatnet til kraftstasjonen er 3 500 meter lang. Sjølve kraftstasjonen ligg inne i fjellet på vestsida av Otra, omlag ein kilometer nord for Grovane. Han blei sett i drift i 1957/1958.
Steinsfoss kraftstasjon leverer 561 GWh i året til Agder Energi. Det tilsvarer strømforbruket til 28 050 husstandar i året. Dette gjer kraftstasjonen til den tredje største i Agder Energi.