Rettåna
Rettåna er hovudutlaupet for den svære innsjøen Ogge på grensa mellom Iveland og Birkenes. Elva renn ut av den delen av Ogge som kallast Lølandsfjorden, i nord-austleg retning til Uldalsvassdraget. Uldalsvassdraget er eit sidevassdrag til Tovdalselva. På sin veg mot Uldalsåna renn elva mellom anna forbi gardane Vestøl, Retterholt og Fidje. Ved Fidje vidar elva seg ut, og eit stykke her kallast ho Fidjefjorden. Nord for Fidjetun er det også ei utviding. Denne kallast Stifjorden.