Bykle samfunnshus
Bykle samfunnshus er eit offentleg allbrukshus i Bykle kyrkjebygd. Huset er eigd av Bykle kommune, under kultur og fritid/teknisk drift og eigedom.
I bygget er stor lokal aktivitet med mange tilbod samla under eitt tak. Huset er ein viktig møtestad for innbyggjarar og besøkande. Dei største brukarane er Bykle barne- og ungdomsskule, Bykle idrettslag, Bykle kulturskule, SFO, Bykle barnehage og andre frivillige lag. Bykle folke- og skulebibliotek held til her. Næringslivet er også ein viktig aktør, i samband med arrangement og selskap når dei treng ekstra plass. I tillegg er det ei stor gruppe privatpersonar som brukar treningsfasilitetar og øvrige tilbod på samfunnshuset.