Træletveit
Træletveit er ein støyl under gardsbruket Gausi i Åraksbø i Bygland. Han ligg ovanfor Gausi, om lag to kilometer nord-aust for bygda.
Historie
Træletveit skal ha vore eigen gard langt tilbake i tid, truleg før Svartedauden. Etter Svartedauden blei han lagt øyde, og blei aldri teke opp som eigen gard igjen.
Fornminne
Under ei skogsdrift i eit hogstfelt på Træletveit hausten 2024 blei ein merksam på nokre gravhaugar. Fagfolk frå Agder fylkeskommune undersøkte området. Det blei registrert sju gravrøyser av ulik storleik. Gravfeltet er førebels utan namn, men har fått ID 317686 hos kulturminnemyndigheitene. Gravfeltet er automatisk freda.
Kjelder
- Reidar Vollen, Bygland gard og ætt, bind IV side 230–231 og bind V side 16 og side 50