Systog (Bykle gnr. 17 bnr. 2)

Systog er eit gardsbruk (gnr. 17 bnr. 2) på nordsida av Trydalstjønni i Trydal i Bykle. Systog er truleg den eldste verestaden i Trydal, og altså det gamle hovudbølet i den udela garden. Samla flatevidde er på rundt 6 000 mål.

På det gamle loftet som står i Systog er årstalet 1528 skrive inn. Loftet er utan tvil det eldste huset i Trydal. Etter tradisjonen skal det vere sett opp av dei same tømrarane som bygde Rygnestadloftet. I andre kjelder er det sagt at Rygnestadloftet truleg er bygd rundt 1590.

Heimelshavarar til Systog (2023) er Petra Marie G. Trydal og Sigmund Alfson Trydal.

Kjelder

Aanund Olsnes, Heimar og folk i Bykle, band V, Bykle kommune, 2006, side 168–191
Elektronisk grunnbok hos Statens Kartverk

Eksterne lenker

Artikkelen om Systog på Lokalhistoriewiki.no

Kart

Trydal på Norgeskart.no