Nere Aakhus

Nere Aakhus (fødd 13. juli 1891 på Bygland, død 28. januar 1945 i Dachau) var ordførar i Bygland frå 1935.

Han var son til Kjetil Bygland (1865-1925) og kona Tore Åsulvsdotter Bygland (1868-1894). I 1913 vart han gift med Birgit, fødd Moi (1890-?). Dei fekk tre born. Nere Aakhus gjekk gymnas, krigsskule og handelsskule og var kaptein i Infanteriet. Ei tid var han stasjonert i Bergen, som løytnant ved Sunnhordlands bataljon. Sidan kom han til Befalsskulen i Kristiansand, der han var i fleire år. Under 2. verdskrigen vart han sjef for Milorg i Setesdal og vart arrestert 16. desember 1942. Han sat i fengsel i Kristiansand og på Grini til 10. juni 1943, då han vart sendt til Tyskland. Han døydde der av flekktyfus.

Kjelder

• Våre falne side 588
• Agderposten 22. mai 1945
• Byglandssoga side 122
• O.S.: Kaptein Nere Aakhus død i fangenskap. Artikkel i Fædrelandsvennen 15. mai 1945