Hisdal
Hisdalgardane i Bykle kommune ligg innpå heia om lag 650 meter over havet vestanfor Otra, i dalen mellom Hisdalsfjødd i nord og Dipleåsen i sør. For å koma hit lyt ein taka ein veg som går søretter langs austsida av elva frå Moen i Trydal. Etter ein snau km kryssar ein Otra, kliv opp den bratte Hislii og held fram vestetter. Omlag ein km frå brua finn ein Lisle-Hisdal, og eit par km lenger inn ligg dei to bruka Store-Hisdal og Der uppe.