Husevegen
Foto: Geir Daasvatn
Husevegen er ein skogsbilveg på nord-vestsida av Store Reiårsvatn på heia sør for Ose i Bygland. Han går frå Reiårsvatnvegen i nordenden av vatnet i vestleg retning til støylen Huset og vidare i retning sør til Fisstøyl. I same området ligg også Kvislestøyl. Desse støylane høyrer til Moi.
Det var folk frå Moi og Ose som finansierte og bygde denne vegen tidleg i 1980-åra. Vegen er stengd med bom.
Kjelder
- Reidar Vollen, Bygland Gard og Ætt, bind III, utgjeve av Bygland kommune, 2005, side 437
- Kart, Norge-serien, 10010 Bygland, kartside 32F03