Høgefoss kraftverk

Høgefoss kraftstasjon 3. mai 2024.

Foto: Geir Daasvatn

Høgefoss kraftverk er eit vasskraftverk ved Høgefoss i Nissedal kommune i Telemark.

Nisserelva er demd opp ved Svåfossen, og kraftverket nyttar eit fall på 64 meter frå reguleringsmagasinet Kjørull som er tillatt regulert mellom 222 og 220 moh. Elva er ein del av Arendalsvassdraget.

Vatnet blir ført gjennom ein 1 450 meter lang tunnel frå inntaket ved Sanderhylen.

Det er installert to aggregat, eitt i den gamle stasjonsbygningen (nytt i 2022–2023) og eitt inne i fjellet, og midlare årsproduksjon er rekna til totalt er 172,6 GWh. Det tilsvarar årsforbruket til 10 800 bustader.

Bygland kyrkjebygd fekk elektrisk straum 10. oktober 1922. Straumen kom frå Høgefoss kraftverk.

Kjelder

• Artikkelen om Høgefoss kraftverk på Wikipedia (bokmål), besøkt 28. mars 2023]
• Pressemelding frå Agder Energi om oppgradering av Høgefoss kraftverk
• Leonhard Jansen, Livsnerva gjennom Setesdal. 100 år med L/L Setesdal Bilruter 1920–2020, utgjeve av Setesdal Bilruter, 2022, side 9

Kart

• Høgefoss på Norgeskart.no