Einar Liljedahl

Einar Liljedahl
Født:	16. januar 1882
Død:	1955 (alder 72–73)

Einar Liljedahl (fødd 16. januar 1882 i Kyrkjebø, død februar 1955) var ein norsk offiser. Han blei uteksaminert som offiser frå Militærakademiet i 1903, og frå Forsvarets høgskule i 1905. Han vart forfremma til kaptein i 1911, major i 1930, oberst i 1934, og frå 1935 til 1947 var han generalmajor og sjef for 3. divisjon med hovudkvarter i Kristiansand.

Liljedal hadde øvste kommandoen over dei militære operasjonane i Setesdal i aprildagane 1940. Etter stadige tilbaketrekningar av styrkane utan kamp, forlet han Ose 15. april 1940 og gav ordre om at major Finn Backer skulle overta kommandoen over troppane i Setesdal. Liljedal gav seg i veg på ski over fjellet til avdelingane sine i Jærenavsnittet. Han kom fram 22. april 1940, eit par timar før avdelingane også der måtte kapitulere.

Agder militære lagmannsrett dømte Liljedal til 60 dagars vaktarrest i 1947, for «... å ha forlatt de under hans kommando stående avdelinger, uten å ha gitt den som han overlot kommandoen fornøden orientering eller ordre, enten om kamp eller kapitulasjon».

Kjelder

• Johan Christian Frøstrup og Bjørn Davidsen, Aust-Agder under okkupasjonen. Glimt fra krigsårene 1940-1945, Friluftsforlaget, 2. utgåve 2018, side 81–113
• Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 499–511