Hornnes landsgymnas

Hornnes landsgymnas vart etablert i 1918 som eit privatgymnas på Hornnes i noverande Evje og Hornnes kommune. Frå 1922 vart det eit fireårig landsgymnas, ein status det hadde til 1975, då skulen vart vidaregåande skule.

Linjer og elevar

Hornnes landsgymnas hadde real- og engelsklinje. Frå 1924 fekk ein latinlinje, den hadde skulen fram til 1947. I perioden 1931 til 1939 var det ingen elevar på engelsklinja. Over 80 prosent av elevane kom frå dei to Agder-fylka. Første artiumskull i 1922 hadde 18 kandidatar, to av desse var jenter. I 1928 var det 31 artianarar, i 1947 var det 44. Kvinneandelen dobla seg frå 17% i 1922-1940 til 35% i 1963-1970.

Under andre verdenskrig miste åtte elevar livet. Tyskarane brukte gymnastikksalen til potetlager. I februar 1942 var det elevdemonstrasjon som førte til at NS kravde bortvisning. Rektor nekta å vise dei bort. Same året vart elevar nekta å få eksamen om dei ikkje melde seg inn i NS, i mars var Lærarsambandsstriden. Skulen var stengd i fleire veker og ein av lærarane vart arrestert og send til Kirkenes.

Rektorar

• Gunnar Abusland 1918-1922
• Karl Hatteland 1922-1923
• Daniel Danielsen 1923-1950
• Gunstein Langerak 1950-1961
• Eldar Peter Molaug 1961-1973

Lærarar

• Elias Ryssdal
• Ola Øygard
• Bjarne Svare
• Jon Landstad
• Kåre Glommen
• Aasmund Hoel
• Anton Røstad
• Audun Ohmstad
• Gudrun Kvamsdal
• Ånen Abusland
• Harald Tveit
• Bjarne Johan Ore

Nokre elevar

Her er nokre elevar og året dei tok artium:

• Alf Hellevik 1931
• Jens Haugland 1932
• Kristian Tregde 1936
• Gabriel Øidne 1938
• Olav Bø 1938
• Knut Mykland 1940
• Anne Gullestad 1945
• Olav Arne Kleveland 1954
• Geir Kjetsaa 1956
• Kjell Kristian Rike 1963
• Paal-Helge Haugen 1964
• Grete Faremo 1973

Kjelder

• Olav Arne Kleveland: Landsgymnaset på Agder. Artikkel i Gudleiv Forr og Helge Vold: Landsgymnaset Det Norske Samlaget 2007 ISBN 9788252171389

Eksterne lenker

• Eldar Molaug: Hornnes landgymnas - Gymnaset for ungdom Artikkel i Jol i Setesdal 1969