Agnus Dei, legendevise

Gnadenbild Mariahilf (Passauer Gnadenbild) von Lucas Cranach d. Ä., Innsbruck, Østerrike

Agnus Dei, legendevise er ei legendevise som Magnus Bostrup Landstad skreiv ned i 1847 etter Anne Lillegård på Eidsborg. Kirsten Bråten Berg song visa i Hylestad kyrkje under Setesdalsfestivalen 2016 på konserten Frå stev til sonate.

1. Jomfru Maria gjek seg ned paa Sand
-Fyri follo -
der saag ho ded Baani kom fljotans til Lands.
-Tungt at troda [Dansen under mollo] -

2. Hon tok det Baani og bar det heim
dei kalla ded ungan Agnos-dei.

3. Alle Guds-Englar dei sloge Leik
sture sat ungan Angnos-dei.

4. Fram kom Jomfru Maria Plomekinn
kvi site du saa sture kjær Gudsonen min.

5. Det er ki under eg sture maa
Far og Mor i Vanden staar.

6. Løys di Mor otor Vanden
lat din Faren stande.

7. Naar eg maatte raade
saa ville eg løyse dei baade.

8. Aa høyre du Agnos-Dei kære Gudson min
løys so in at Forældri din.

9. Alle Guds-Englane dei sloge Leik
fyre dansar ungan Agnos-dei.

Teksten er trykt i M.B. Landstad, Norske Folkeviser, Kra. 1853 s. 551. Her skriv han at visa nok har vore meir omstendeleg. Han kommenterer at i vers 5, «i Vanden», som også vert skrive «i våndo», betyr i pine, i skjærselden. Anne Lillegården kommenterte til sangen at foreldra var søsken og at mora hadde kasta barnet i havet, og så kom jomfru Maria og redda barnet, men barnet vart ikkje lukkeleg før ho også redda foreldra frå skjærselden, pinen, då kunne barnet danse med alle Guds englar.

Kjelder

• Henta frå dokpro.uio.no