Nora Naadland
| Nora Naadland | ||
|---|---|---|
| ||
| Født: | 20. september 1900 | |
| Død: | 29. januar 1991 (90 år) | |
Nora Naadland (født Thortveit 20. september 1900 på Solheim, Skaiå i Iveland, død 29. januar 1991 på Iveland) budde på Rossås i Iveland. Ho var dotter av Olaus Thortveit og Gina Thortveit og hadde søskena Alv Thortveit og Hjørdis Auestad. Nora Naadland vart gift med Jostein Naadland. Dei budde i Kviteseid i mange år, Jostein Naadland var handtverkslærar på Kviteseid folkehøgskule.
I 1941 tok dei over Rossås og busette seg der. Dei la ned mykje arbeid på garden, den tok sidan sonen Gunnar Naadland over. Men Nora Naadland fann også tid til å vere med i det frilynde ungdomsarbeidet. Ho var også ei trufast målkvinne og var også formann i Iveland mållag.
Nora Naadland la også ned eit stort arbeid for å få Ivelandsbunaden i bruk att. I dette tok ho opp arven etter mora og søstera hennar, Gunhild Skaiå. Dei gravde bunaden fram frå gløymsla og ho fekk bunaden som ung jente.
Kjelder
- T. F.:Nora Naadland 80 år i morgon. Artikkel i Setesdølen nr. 74, 1980 side 2
- Om Nora Naadland hos geni.com