Kari Røynlid

Kari Røynlid
Kari Røynlid, 2022. Foto: Geir Daasvatn
Født:	19. juli 1972 (52 år)

Kari Røynlid (fødd 19. juli 1972) er planleggar, med ansvar for plansaker, i eining for samfunnsutvikling i Åseral kommune. Ho bur i Austegard i Åseral.

Arbeid

Før Kari blei tilsett i kommunen var ho planleggar for kommunane Audnedal, Hægebostad og Åseral, såkalla planfagleg ressurs i indre bygder, med kontorstad Åseral. Før det igjen var ho vert ved Minne Åseral kultursenter i Åseral. Her var ho omtrent frå senteret opna 26. juni 2010. I august 2012 overlet ho stillinga ved Minne til Tor Reidar Austrud. Før ho begynte på Minne, var ho tilsett som plan- og miljøleiar i Evje og Hornnes kommune. Her hadde ho mellom anna ansvaret for arbeidet med ny kommuneplan saman med einingsleiar Bernt Audun Strømsli.

Politikk

Kari stod på andreplass på Sp-lista i Åseral 2011. Ho vart varaordførar i kommunen etter valet. Ho var også med i Åseral kommunestyre 2019–2023, og igjen i perioden 2023–2027.

Kulturberar

Kari er kvedar med sterke musikalske røter. Ho har i ei årrekke formidla folkemusikktradisjonen i Åseral. Ho er aktiv med song under små og store tilstellingar. I 2017 gav ho ut CD-en Den store stuten saman med felespelar Mari Ormberg. Ho var også sentral ved utarbeiding av Åseral kommune sin kulturminneplan.

Under folkefesten 17. mai 2024 blei Kari tildelt Åseral kommune sin kulturpris.

Kjelder og eksterne lenker

• Kari Røynlid er tilsett ved Minne, Åseral kultursenter. Artikkel hos moisund.com 25. mai 2010.
• Har blitt planleggjar igjen. Artikkel i Setesdølen nr. 75, 2012 side 2
• Tonje Kallhovd, Kulturpris og kulturstipend til lokale folkemusikarar, artikkel i Setesdølen nr. 36, 2024, side 3
• Oversyn over tilsette i eining for samfunnsutvikling på heimesida til Åseral kommune