Christian Stejskal
Christian Stejskal
| ||
|---|---|---|
| Født: | 12. september 1977 (47 år) | |
Christian Stejskal (fødd 12. september 1977 i Wien) er utdanna fiolinist ved Norges musikkhøyskole, musikkhøgskulen i Hannover i Tyskland og musikkhøgskulen i Bern, Sveits. Han har jobba som fiolinist i fleire symfoniorkester i Norge, mellom anna Den norske opera, Trondheim symfoniorkester og Stavanger symfoniorkester. Frå 2010 til 2015 budde han i Kairo i Egypt og jobba som fiolinist ved operaen i Kairo. Då budde han og levde saman med «Zabaleenarane» i søppelbyen Mokattam i utkanten av storbyen.
30. januar 2016 klokka 17 starta han i Bykle nye kyrkje ein turne i Norge med førestillinga «Mitt nabolag». Den handlar om ei pilgrimsferd Stejskal gjorde til fots frå Wien, via Jerusalem og til Axum i Nord-Etiopia. Undervegs på denne reisa møtte han «Zabaleenarane», Kairo sine uoffisielle kristne søppelarbeidarar, i den såkalla «Garbage City» i Kairo. Etter å ha avslutta pilgrimsferda til Axum flytta han til Kairo. Der fotograferte han frå livet blant søppelarbeidarane og skreiv noveller frå livet der. Dette er så blitt ei multimediaførestilling der han syner bilete og spelar arabisk, koptisk og europeisk klassisk musikk på fiolin og fortel om nabolaget.
Christian er sjølvlærd fotograf, og prosjektet om «Zabaleenarane» er til 2016 hans største fotoprosjekt. I 2012 stilte han med 25 bilete i finalen i Anthropographia International Photo Awards i New York. Arbeidet med prosjektet «Mitt nabolag» er gjort med støtte frå «Fritt ord» og «Stiftelsen Thomas Fearnley, Heddy og Nils Astrup», og vil bli gitt ut i bokform i 2016.