Austra Kaldafjell
Austra Kaldafjell er det høgaste fjellet i Bykle vesthei, 1452 moh. Fjellet ligg på grensa til Suldal kommune, og ligg rett vest for nordenden av Ormsavatnet. Ein måte å koma dit på, er å bruke båt over Ormsavatnet til utlaupet av Reinåni, og deretter å gå opp Reinådalane mot Svonuten. Seinare passerar ein nokre markante toppar utan kartnamn, som er opptil 1307 moh. Ved ein feil har desse vorte kalla for Hyttinghaugane i heftet Dei høgaste fjell og nutar langs båe sider av Otra 3. Rett er at Hyttinghaugane ligg nord-vest for Odden, som ligg i enden av Ormsavatnet. Etter å ha passera fjell 1307 kjem ein forbi tjørn 1235 innan Austra Kaldafjell kjem til synes. Til fots er turlengda om lag to mil til saman, og total turtid er 11 timar inkludert ein times båttur på Ormsavatnet. På toppen mot vest kan ein då sjå Kaldafjell i Suldal, som er 1480 moh, og Snønuten på 1604 moh, som og ligg i Suldal. I søraust kan ein sjå Steinkilvatn og Holmevatnet.
Kjelder
- Reidar Tveito: Dei høgaste fjell og nutar langs båe sider av Otra 3 side 36 til 43