Kjetil Alver Lund
Kjetil Alver Lund | ||
---|---|---|
Født: | 22. juli 1993 (30 år) |
Kjetil Alver Lund (fødd 22. juli 1993) er ein musikar frå Valle. Han bur i Kristiansand, der han er postbud. Han gjekk på Setesdal vidaregåande skule avdeling Hornnes og studerte deretter musikk på Universitetet i Agder. Han er også lærar i Valle kulturskule, der han mest jobbar med elevar som spelar i band. Sjølv er han multimusikar og spelar mange instrument, men gitar er hovudinstrument.
Saman med Eirik Sten Syrdalen utgjer han bandet Frukt. Dei kom med EP-plata Myte i 2018. Han er også med i bandet Arkentype, som er eit progressivt metalband med utspring i miljøet på Universitetet i Agder.
Blomlaok
Kjetil Lund er også ein del av duoen Blomlaok saman med Vilde Eskedal. Dei spelte under opninga av Sæbyggjen i Valle i 2018. Kunstverket dei laga, Blomlauk nr. 14, heng no i Sæbyggjen. Det var ein del av masteroppgåva dei tok saman.
Kjelder
- Ole Birger Lien: Multimusikaren frå Valle. Artikkel i Setesdølen nr. 17, 2019 side 12
- Sigurd Haugsgjerd: Kan vinne Sparebanken Sør sin musikkpris. Artikkel i Setesdølen nr. 73, 2019 side 3