Gamle Vikelid (Nordre Sandnes)
Foto: Geir Daasvatn
Gamle Vikelid var ein husmannsplass under Vikfjell på Nordre Sandnes i Bygland frå slutten av 1700-talet og om lag 100 år framover. Rydningsmannen var Olav Knutson Skomedal (f. 1758, d. 1840).
I 1890-åra flytta Torjus Olavson Sandnes frå Vikelid til ein plass 600-700 meter lenger nede (sør) langs bygdevegen. Han tok med seg Vikelidnamnet til den nye plassen. For å skille dei to plassane frå kvarandre, taler ein i dag om Gamle Vikelid og Nye Vikelid. Samstundes som Torjus Olavson flytta, eller nokre få år seinare, blei det folketomt i Gamle Vikelid.
Den gamle løa står framleis i det bratte jordet.
Kjelder
- Reidar Vollen, Bygland gard og ætt, bind VI, utgjeve av Bygland kommune, 2009, side 132-144