Valle skianlegg
Valle skianlegg vart uformelt etablert av Hallvard Kjelleberg i Prestvodden i Valle på 1970-talet. I 1986 vart det oppretta som aksjeselskap etter ei utbygging med permantente fundament og stålkonstruksjonar. Men dårlege snøvintrar gjorde at anlegget år om anna hadde lita drift. Skitrekket var 400-500 meter, og eit dagskort kosta 70 kroner i 2004. Opningstidene i sesongen var frå 16 til 20 onsdagar og fredagar og frå 13 til 18 laurdagar og sundagar. Anlegget vart drive på dugnad av foreldre. Grunde Johnsen var styreleiar i mange år.
Då Brokke Skianlegg vart etablert, vart skitrekket til Valle skianlegg demontert og flytta dit.
Kjelde
- Sigurd Haugsgjerd: Full fart i valle skianlegg i vinter. Artikkel i Setesdølen nr. 9, 2004 side 7