Songdalen
Songdalen er ein landkommune i Vest-Agder. Kommunen grensar til Søgne i sør, Marnardal i vest og nord og til Vennesla og Kristiansand i aust. Kommunesenteret ligg på Nodeland, der det også er stasjon på Sørlandsbanen. Kommunan hadde 6 568 innbyggjarar pr. 1. januar 2017. Frå 1. januar 2020 skal Songdalen slå seg saman med Kristiansand og Søgne til èin kommune.
E-39 mellom Kristiansand og Stavanger går gjennom kommunen. Den gamle postvegen frå 1791, Gamle Mandalsvei (eller Gamle Byvei som greipstadfolk seier), går frå Farvannet og over Groheia til Kristiansand. Rv-461 går gjennom heile kommunen og vidare til Marnardal og Kvinesdal.