Stryk
Stryk er eit spelemannslag frå Haugesund. Haugesund Mållag og Ungdomslag starta i 1994 opp med folkemusikkskule for barn og ungdom. Opp gjennom åra har mange vore med som elevar på denne folkemusikkskulen.
Dei eldste elevane slo seg saman til ei gruppe med namnet Stryk, og har vore med på mange konsertar og framsyningar. Dei har vore på landskappleien med god plassering og dei har delteke på Haukelisæterfestivalen. I 2011 deltok dei på Setesdalskappleiken 2011 på Rysstad, der dei både hadde konsert torsdagskvelden og spela til dansen avslutningskvelden. Etter konserten torsdag skreiv Liv Bratlie Løyland på Facebook-sida der ho la ut biletet av gruppa: «De tok oss med på en musikalsk tur fra Haugesund via Karmøy, Åseral og andre plasser til Valle og tilbake til "ville vesten" Haugesund. Kjempebra konsert av flinke folk.»