Heia
Heia (Rossåsheia) var husmannsplass under garden Nateland i Iveland frå slutten av 1830-åra til 1874. Då blei plassen skild ut og blei sjølveigarbruk (gnr. 35 bnr. 4).
Gunder Kittelsen (f. 1807, d. 1870) var første husmannen her. Han var gift med Kjersti T. Nateland (f. 1802, d. 1878). Sonen Torkell Gundersen Heia (f. 1842, d. 1912) overtok Heia etter faren. Han budde i Heia med familien frå ca. 1872, og sat her i over 30 år.
Våningshuset på staden er sagt å vere bygd i 1841.
Kjelder
- Norges Bebyggelse, herredsbindet for Aust-Agder, vestre del, Oslo 1956, side 606
- Aslak Fjermedal, Iveland I, Gards- og ættesoge, 1955, side 578–580