Austra Kaldafjell
Foto: Reidar Tveito
Austra Kaldafjell er det høgaste fjellet i Bykle vesthei, 1452 moh. Fjellet ligg på grensa til Suldal kommune, og ligg rett vest for nordenden av Ormsavatnet. Lettaste måten å kome dit, er å bruke båt over Ormsavatnet og gå i land ved utløpet av Reinåni, deretter å gå opp Reinådalane mot Svonuten. Deretter passerer ein Hyttinghaugane før ein kjem opp til Austra Kaldafjell. Til fots er turlengda om lag to mil til saman, og total turtid er 11 timar inkludert ein times båttur på Ormsavatnet. På toppen mot vest kan ein då sjå Kaldafjell i Suldal, som er 1480 moh, og Snøheinuten på 1604 moh, som og ligg i Suldal. I søraust kan ein sjå Steinkilvatn og Holmevatnet.
Kjelder
- Reidar Tveito: Dei høgaste fjell og nutar langs båe sider av Otra 3 side 36 til 43