Ballbingen ved Valle skule
Ballbingen ved Valle skule vart offisielt opna torsdag 29. september 2011. Den vart teken i bruk i juni 2011. Initiativet til å bygge ballbingen kom frå FAU ved Valle skule 2010. Ballbingen vart levert av Stock på Rysstad og sett opp på dugnad som FAU organiserte.
Offisiell opning
Opninga skjedde ved eit arrangement som starta klokka 16.30 og vart avslutta klokka 18. Arrangementet starta med ein spasertur med fotballquiz. Deretter var det mat- og drikkepause med utdeling av premiar. Etter eit underhaldningsinnslag av elevar skjedde opninga ved rektor Tron A. Støle og banksjef Vidar Homme i Valle Sparebank, som har sponsa anlegget. Til slutt var det fotballkamp mellom FAU 2010 (dugnadsteamet) og A-laget i Valle, 5 minuttars kamp med 5 deltakarar frå kvart lag.