Gunnar Ellingsen
Siri Johannessen (2014)
Gunnar Ellingsen (født august 1960) er prost i Otredal prosti frå 2013. Han er opphaveleg frå Herefoss og hadde ungdomstida si i Oslo. Han er gift med Hilde og har tre vaksne born. Etter presteutdanninga vart han i 1987 ordinert til feltprest på Evjemoen, der han var i to år. Sidan har han hatt presteteneste i Kirkenes og Tønsberg. Før han kom til Vennesla som prost i Otredal prosti, var han frå 2007 til 2013 sokneprest på Langhus i Ski kommune. Han har og vore sjømannsprest. I ni år var han i teneste i sjømannskyrkja, først på Gran Canaria og sidan i København. Begge stadene hadde han mange vigsler, på Gran Canaria kunne det vere 150 vigsler på eitt år i Sjømannskirka i Arguineguin.
Kjelde
- Ny prost i Otredal har vore feltprest på Evjemoen. Artikkel i Setesdølen nr. 51, 2013 side 2
Eksterne lenker
- Nå kommer nypresten. Artikkel i Østlandets Blad fra 2007, da Ellingsen kom til Langhus i Ski
- -Velkommen til oss. Artikkel i Østlandets Blad fra 2007, i forbindelse med innsettelsen i Langhus
- GRAN CANARIA: Vigsel og bryllup på Gran Canaria? Da er Den norske Sjømannskirka i Arguineguin et populært alternativ. Artikkel i Canariposten uke 14, 2003