Karin Bøe

Karin Bøe (født 9. april 1970 i Kristiansand) driv Valle Vev. Ho er utdanna lærar og kom til Valle kommune som lærar på Hylestad skule i 1995. Alt året etter etablerte ho Valle Vev, og etter fire år som lærar, gjekk ho over til å drive veving på heiltid.

Sidan tok ho sveinebrev i handveving i 2004 og mastergrad i tradisjonskunst i 2005 på Høgskolen i Telemark (Rauland) med ein masteroppgave om veving i Setesdal: Rugger i rosengang. Ein særmerkt vevtradisjon i Øvre Setesdal rundt 1900.