Sjå kjelda til Vårliv

'''Vårliv''' er eit dikt av [[Gunnar Rysstad]]. Det vart trykt i [[Hugsjå]] i 1896. [[Kirsten Bråten Berg]] framfører diktet på plata [[Min kvedarlund]], det er spor 12 på plata. Melodien ho brukar er meir kjend i Telemark til Murukleiv-visa, hennar versjon med eit preg av spel og syngjemåte i [[Setesdal]]. 

==Vårliv==

:Når dei blømande vollane anga'
:og når gauken han gjel i lid,
:å, ja, då er det herleg å ganga
:kring um bøen den solljose tid.

:Kor du ser, er det hoppande glede,
:Kor du snur deg, er kvitrande song.
:Og småborni hauka og kveda
:og flaget det blikrar på stong.

:Ja, då er det herleg å anda
:i den vårfriske, unge natur;
:for alt er so rikt og so blanda,
:so skiftande kor du deg snur.

:Og venleik i alt vil oss gleda,
:og elsk me i alt tykkjest sjå.
:Og lukka til alt tykkjest kveda
:frå mannen til makken på strå.

:Ei solstund, ei solstund deg ventar!
:Ei solstund, ei solstund er di!
:Til gleda, til leik eg deg hentar
:blant blomar og fuglar i lid!

==Kjelde==
*Tekstheftet til [[Min kvedarlund]] side 7

[[Kategori:Dikt]]