Sjå kjelda til Moisund

[[Fil:Moisund 2010 (3).jpg|miniatyr|høyre|Moisund sett frå Hannåsfjellet. {{Byline|[[Geir Daasvatn]]}}]]
'''Moisund''' er ei lita grend heilt sør i [[Evje og Hornnes kommune]], rundt garden [[Moi (gnr. 24 Evje og Hornnes)|Moi]]. Moi-garden er nok ein av dei eldste i kommunen, truleg frå romersk jernalder. Då [[Setesdalsbanen]] kom i 1896, vart det lagt stasjon til Moi. Stasjonen skal då ha blitt heitande Moisund, slik at han ikkje skulle forvekslast med stasjonen Moi i Rogaland. 

Før var det både butikk og skule på Moisund. Men dei er nedlagde no. Den mykje omtykte revygruppa [[MORUS]] hadde sitt utspring i Moisund-bygda. Det same hadde den særs populære nettstaden [[Moisund.com]], som vart nedlagt [[31. desember 2014]]. 

Nokre hundre meter aust for [[Riksvei 9]], langs fylkesvegen mellom [[Klepp (Evje og Hornnes gnr. 37)|Klepp]] og [[Iveland]], ligg [[Stemhei bustadfelt]]. Frå dette vesle bustadfeltet har det kome to stortingsrepresentantar, [[Kjell Ingolf Ropstad]] og [[Line Vennesland]]. Kjell Ingolf er seinare blitt statsråd i regjeringa til [[Erna Solberg]]. Ordførar i Evje og Hornnes kommune, [[Bjørn Ropstad]], bur også her. 

Eit par kilometer lenger sør, langs breidda av [[Otra]], ligg det ganske nye bustadfeltet [[Moisund Elvebredd]] vakkert plassert i landskapet. På andre sida av riksvegen for Moisund Elvebredd er det planlagt eit nytt, stort bustadfelt - [[Trollbakkane bustadfelt]]. I 2014 har private interessentar søkt Evje og Hornnes kommune om omregulering av ein del av dette arealet til hotellverksemd med vidare. Planane er så  langt (2022) ikkje blitt realiserte.

== Kjelder ==
*[[Olav O. Uleberg]], [[Kultursoge for Evje og Hornnes]], band I, utgjeve av [[Evje og Hornnes bygdeboknemd]], 1990, side 63 og side 252 

== Kart ==
*[https://www.norgeskart.no/#!?project=norgeskart&layers=1002&zoom=11&lat=6507342.77&lon=81445.61 Norgeskart.no]

[[Kategori:Stadnamn i Evje og Hornnes]]
[[Kategori:Moisund]]