Sjå kjelda til Iveland - Evje amfibolitten

'''Iveland - Evje amfibolitten''' (også kalt Evje - Iveland området) er ei størkna smeltemasse av [[Gabbro|gabbrosamansetning]], ein stor bergkropp, som ligg i [[Iveland]] og [[Evje]]. Området har senter i Øvre Iveland og strekk seg austover til [[Belland]] i [[Birkenes]]. Vestover ligg grensa om lag tre km frå [[Otra]]. Bergkroppen har ein vreng nordover til [[Gautestad]] i [[Evje]] og mot sør til [[Iveland stasjon|Iveland jernbanestasjon]]. Området er såleis rundt 35 km langt og 10-15 km breitt. Geolog [[Tom F. W. Barth]] var den første som oppdaga steinkroppen, og gav han namnet «Iveland - Evje amfibolitten». 

I området er det ei stor mengde med [[Pegmatitt|pegmatittgangar]]. Pegmatitten er internasjonalt kjent for eit høgt innhald av ulike mineral, ofte i store krystallar. Fleire stadar i [[Amfibolitt|amfibolitten]] finst det òg malmsoner med sulfider av jern, [[Kobber|kobber]] og [[Nikkel|nikkel]]. Amfibolitt-beltet og pegmatitt-gangane gav grunnlag for den store gruvedrifta i [[Flåt nikkelgruve]] og eit stort antall [[Feltspat|feltspat]]- og [[Kvarts|kvartsgruver]] som var i drift i Evje og Iveland frå slutten av 1800-talet og framover på heile 1900-talet. Det er talt opp omkring 300 feltspatbrudd i Iveland - Evje amfibolitten. 220 av desse ligg i Iveland.   

== Kjelder ==
*''[[Iveland V. Gruvedrift]]'', utgjeve av [[Iveland bygdesogenemnd]], 2007, side 23 flg.
*''[[Spor i Setesdalsjord]]'', side 191
*''[[Evje Mineralsti - Landsverkgruvene]]'', hefte utgjeve av [[Setesdalsmuseet]], 2017, side 3 og side 7-8

[[Kategori:Geologi i Iveland]]
[[Kategori:Geologi i Evje og Hornnes]]