Sjå kjelda til Fridtjof A. Henriksen

{{Person | bilde = Ferdinand Henriksen.jpg | bildetekst = Fridtjof A. Henriksen. {{Byline|[[Evje og Hornnes kommune]]/kommunearkiv}} | fdag = 13 | fmåned = 8 | får = 1831 | ddag = 11 | dmåned = 6 | dår = 1911}}
'''Fridtjof Alfred Henriksen''' (fødd 13. august 1831 i Kristiania, død 11. juni 1911 i Kristiansand) var infanterikaptein og seinare oberst i Forsvaret og industrimann.

Henriksen blei offiser i 1852. Han gjorde i ei rekke år teneste i Norges Geografiske Oppmåling og i Vegvesenet, ved sida av teneste i infanteriet. Han steig i gradene frå kaptein i 1863 til oberst frå 1891. I 1898 tok han avskil frå Forsvaret.

Den militære karriera skal ha ført han til [[:no:Kristiansand|Kristiansand]]. Her var han medlem av bystyret og formannskapet, av kommunikasjonskomitè, jernbanekomitè og Gassverket i byen. Han la også ned eit stort arbeid i Kristiansand Byselskap. Han sat i styret for selskapet som frå 1867 trafikkerte dampbåtane [[Bjoren]] og [[DB Dølen|Dølen]] på [[Kilefjorden]] og [[Byglandsfjorden]]. Frå 1880 var han med i ein komitè som arbeidde for jernbane mellom Kristiansand og [[Setesdal]].I 1876 var han med på opprettinga av Christiansand Arbeiderforenings Spareskillingsbank, og han var ein av innbydarane då Søndenfjeldske Privatbank blei oppretta i 1889.

I 1872 kjøpte Henriksen alle rettane til [[Det Sæthersdalske Kobberværk|Setesdalens Kobberverk]], herunder rett til gruvedrift i [[Flåt]] mark, av [[Ferdinand Seippel|F.F.A. Leopold Seippel]] for 300 spesidalar. Han kjøpte også opp området [[Fossvik]] og austsida av [[Fennefossen]] med store fossefall, bygdas første butikk og dobbel kornmølle av [[Jens Nottoson Bjorå]] for 5 000 spesidalar. Saman med H. A. Thaulow og syster si Thora Roscher danna han [[Evje Nikkelverk IS|Interessentskapet Evje Nikkelverk]], og sette i gang med gruvedrift i [[Flåt gruve|Flåt nikkelgruve]]. Då hadde det først vore prøvedrift fleire stader i Evje og Iveland i åra 1869-1872. I 1873 sikra selskapet seg konsesjon for bygging av smeltehytte i Evje sokn. [[Evje nikkelverk|Smeltehytta]] blei bygd og sett i drift same året i Fossvik. 

Fridtjof Henriksen døydde i 1911. Men han var altså mannen som sette i gang den gruvedrifta som skulle vare heilt fram til 1946, og som var som eit hjarte i det lokale bygdesamfunnet i denne tida. [[Sigmund Monen]], som har studert gruvehistoria i Evje grundigare enn nokon annan, skriv dette om kva Henriksen hadde å seie for Evje-bygda:

''«For eiga rekning kan me gjerne legge til at oberst Fridtjof A. Henriksen er den mannen som reint fysisk har hatt mest å seie for evjebygda. Han var både initiativtakar og pådrivar for nikkelindustrien her, og han la grunnlaget for mykje av det som skulle kome av forandringar med dei andre selskapa seinare.»''<ref>Sigmund Monen,''Frå gamle gruvetradisjonar i Setesdal til arbeidarkultur i Evje'', bok I, utgjeve av Evje og Hornnes kommune, 2016, side 126, 2. spalte</ref>

== Heider ==
*Riddar av 1. klasse av St. Olavs Orden for innsatsen for norsk industri
*Sverdordenen som forteneste for årelang innsats for Forsvaret

== Kjelder ==
*[[Olav Arne Kleveland]], ''[[Flot nikkelgruve - Evje nikkelverk]]'', hefte utgjeve av [[Evje og Hornnes Sogelag]], 2000, side 4-10
*[[Sigmund Monen]],''[[Frå gamle gruvetradisjonar i Setesdal til arbeidarkultur i Evje]]'', bok I, utgjeve av Evje og Hornnes kommune, 2016, side 95-96 og side 125-131

== Referansar ==
<references/>

{{DEFAULTSORT:Henriksen, Fridtjof A.}}
[[Kategori:Offiserer]]
[[Kategori:Bedriftsledere]]
[[Kategori:Fødsler i 1831]]
[[Kategori:Dødsfall i 1911]]
[[Kategori:St. Olavs Orden]]
[[Kategori:Flåt nikkelgruve]]