Sjå kjelda til Nomeland (Valle gnr 47)

[[Fil:Nomeland Valle 200816.jpg|miniatyr|høyre|Nomeland. Vest for garden stig Nomelandsfjellet bratt opp. Bak i biletet, i sør, ligg [[Steinsås]]. {{Byline|[[Geir Daasvatn]]}}]]
[[Fil:Nomeland Valle gnr. 47 bnr. 33 290117 (2).jpg|miniatyr|høyre|Våningshus og loft på eigedomen gnr. 47 bnr. 33 på Nomeland. Det er ikkje fast busetnad på eigedomen, men han er i bruk som utleigelokale. Den eldste delen av huset skal vere frå slutten av 1600-talet. {{Byline|Geir Daasvatn}}]]
'''Nomeland''' (gnr. 47) er ein gard i [[Valle]]. Han ligg på vestsida av [[Otra]], under [[Nomelandsfjellet]], nord for [[Steinsland (Valle gnr. 48)|Steinsland]] og sør for [[Dale (Valle gnr. 27)|Dale]]. Gjennom garden frå sør til nord går [[Fylkesveg 331]] ([[Strondevegen]]). I nordenden av garden har det i årtider vore [[Prestefossen hengebru|hengebru]], ein snarveg, over [[Prestefossen]] til [[Sagneskar]] på austsida av Otra. I 2007 synte det seg at brua var i så dårleg stand at ho måtte stengjast. Ny bru kom opp i 2016.  

Det kjende tre-etasjers [[Nomelandsloftet]] stod på Nomeland, men er i dag ein del av [[Setesdalstunet]] på Vest-Agder-musèet i Kristiansand.

== Historie == 
Det er gjort mange arkeologiske funn på garden. Det er gjort gravfunn både frå folkevandringstida (400-600 e.Kr.) og yngre jernalder (600-1050 e.Kr.). Det er også to gravhaugar på garden. Den største er 3-4 meter høg og med eit tverrmål på omlag 25 meter. Han er den største som er kjend i Valle. Det har såleis vore folk på garden lenge, kanskje alt frå folkevandringstida.

Fram mot 1613 ser det ut til at garden var udela, skriv [[Alfred Ryningen]] i [[Valle kommune III Gards- og ættesoge Valle|gards- og ættesoga for Valle]]. I 1613 var det tre bønder på garden. Den eine av desse, Eivind Tarjeisson Nomeland, dela garden i to i 1659. Desse to delane blei seinare til [[Nomeland (Valle gnr 47 bnr 3 m.fl.)|bnr. 3]] og bnr. 7.

== Nomelandskyrkja ==
Nord for sjølve garden ligg [[Nomeland kyrkjegard|ein gamal kyrkjegard]]. I katolsk tid var områda på vestsida av Otra eige kyrkjesokn. Det stod ei kyrkje på Nomeland då, truleg ei stavkyrkje. Ho kan ha vore i bruk frå slutten av 1000-talet og fram til reformasjonen (1536). Nokre materialar frå denne kyrkja skal vere brukt av [[Åsmund Torleivsson Rygnestad|Åsmund Rygnestad]] då han sette opp «trihågloptet» på [[Rygnestad]] i andre halvdelen av 1500-talet.

== Kjelder ==
*[[Alfred Ryningen]], ''[[Valle kommune III Gards- og ættesoge Valle]]'', utgjeve av Valle kommune, 1987, side 604–685
*[[Hege Synnøve Rysstad]], ''Måtte stenge hengebrua i Valle'', artikkel i [[Setesdølen nr. 88, 2007]], [[6. november 2007]], side 1 og 12
*[http://www.nomelandshus.no/nm/ Om eigedomen gnr. 47 bnr. 33 på Nomelandshus.no]
*''Norges Bebyggelse'', herredsbindet for Aust-Agder, vestre del, Oslo 1956, side 758

[[Kategori:Garder i Valle]]