Sjå kjelda til Harde-Aslak

'''Harde-Aslak''' er etter [[Reidar Vollen]] i ''[[Bygland gard og ætt]]'' segnfiguren framfor nokon frå [[Austad]]. Om ein Harde-Aslak verkeleg har levd på Austad veit ein ikkje sikkert. Men Vollen skriv at det finst tradisjon for at han skal ha vore ein historisk person. Det meste i sogene om han må uansett vere dikting, understrekar han.

Harde-Aslak skal ifølge eitt av segna ha drepe Kallhovden, ein bonde og kjempekar på garden [[Kallhovd]] i [[Hornnes]]. Etter drapet gav Aslak seg på heimvegen, som var over heiene vest for Otra-dalføret. På [[Austegard|Austegards-heia]] i [[Åseral]] tok dei to sønene til Kallhovden han att, og drap han der.

Då Aslak ikkje kom heim, for mor hans avgarde for å leite. Ho fann liket hans ein søndags morgon, plukka saman likdelane i ein sekk og for på heimvegen med sekken på ryggen. Heime på Austad vaska ho liket i ei lita evje i elva, tett attmed kyrkja. Evja vart raud av blod, og fekk etter det namnet «[[Raudevja]]». Liket vart grave ned på Ækrejordet.

I [[Hornnes I, Gards- og ættesoge|gards- og ættesoga for Hornnes]] er segnet attgjeve slik: 

''«De sille vere ein småkongje på Kallot i gamle daga. Så kom det ein anna småkongje og drap`an. Då dei to sønin`ans kom heim og såg at far deiras var drepen, sinna dei seg opp å sette ette. Dei sto`an att på Åseralsheian, å der fekk dei hemna sæg. Dei fekk drep`an.»''

Staden i Austegard der Aslak blei drepen skal heite «Hard-Aslak» den dag i dag. I nærleiken renn «Hard-Aslaksbekken».

== Kjelder ==    
*[[Reidar Vollen]], ''[[Bygland gard og ætt]]'', bind III, utgjeve av Bygland kommune, 2005, side 34
*[[Johannes Skar]], ''Harde-Aslak. Dyreskidi i Austad-Kyrkja'', artikkel i vekebladet [[:no:Fedraheimen|Fedraheimen]], 23. mars 1878
*[[Olav O. Uleberg]], ''[[Hornnes I, Gards- og ættesoge]]'', utgjeve av [[Hornnes bygdesogenemd]], 1969, side 206
*Johannes Skar, ''[[Gamalt or Setesdal]]'', bind I, side 257
*[[Tarjei Liestøl]], ''[[Åseral Gard og Ætt]]'', bind I, utgjeve av Åseral bygdesogenemnd, 1976, side 415

[[Kategori:Segner]]
[[Kategori:Austad]]