Sjå kjelda til Nedre Kviplassen

'''Nedre Kviplassen''', også kalla Kvinen, var ein husmannsplass på austsida av [[Kvifjorden]], i fjellheimen heilt vest i [[Bygland]], i garden [[Hegland]] si mark. Næraste nabo var garden [[Kvinen]], over grensa til [[Sirdal]] og [[Vest-Agder]]. 

Nedre Kviplass er nemnt i skriftlege kjelder første gong i 1751. Hans Osmundsen er den første kjende brukaren. Den neste husmannen var Aslak Aslakson Sinnes frå [[Sinnes]] i Sirdal. I 1800 gjorde han eit bytte med [[Tellef Tarjeison Suleskar]], som hadde vore i [[Pytten (Bygland gnr. 5 bnr. 9)|Pytten]] frå 1796. No bytta dei plassar, slik at Tellef kom til Nedre Kviplassen medan Aslak flytta til Pytten. 

Nedre Kviplassen blei truleg fråflytta ein gong for godt før 1875. [[Reidar Bolling]] skriv i [[Gards- og ættesoge for Bygland|gards- og ættesoga for Bygland]] (1952) at fleire sirdølar prøvde å livberge seg på plassen, men at det «---gjekk helst fillevegen». 

I 1967 blei Kvifjorden demd opp i samband med Sira-Kvina-utbygginga. Dei gamle hustuftene i Nedre Kviplassen kom under vatn. Noko av det gamle jordet er framleis synleg. 

== Kjelder ==
*[[Reidar Vollen]], ''[[Bygland gard og ætt]]'', bind I, utgjeve av Bygland kommune, 2002, side 367-374
*Reidar Bolling, ''Gards- og ættesoge for Bygland'', 1952, side 39

[[Kategori:Garder i Bygland]]