Sjå kjelda til Evje Nikkelverk IS

'''Interessentskapet Evje Nikkelverk''' var eit selskap skipa i 1872 av infanterikaptein (seinare oberst) [[Fridtjof A. Henriksen]], systera Thora Roscher (som nyleg hadde blitt enke etter bergmeister Roscher) og H. A. Thaulow. Aksjekapitalen var på 120.000 kroner, fordelt på 300 aksjer kvar pålydande 400 kroner. I 1874 kjøpte Henriksen ut Roscher. I 1894 døydde Thaulow. Henriksen kjøpte også aksjane hans, og vart eineeigar av selskapet.

Evje Nikkelverk IS var selskapet som i 1872 starta opp gruvedrifta etter nikkel i [[Flåt gruve]] i [[Mykleåsen]] i [[Flatebygd]] i dåverande [[Evje kommune]]. Året etter, i 1873, fekk selskapet løyve til bygging av smeltehytte i Evje sokn. Smeltehytta blei bygd og sett i drift same året i [[Fossvik]] på austsida av [[Fennefossen]]. Hytta vart [[Evje nikkelverk]].

Det var for lite pengar i Evje Nikkelverk IS til nye store investeringar, og selskapet trong frisk kapital for å kome seg vidare. Mot slutten av 1908 blei selskapet reorganisert. Eit nytt, verkeleg aksjeselskap med meir kapital bak seg blei skipa og overtok drifta. Også dette bar navnet [[Evje Nikkelverk (AS)|Evje Nikkelverk]].  Admiral Jacob Børresen og [[:no:Sam Eyde|Sam Eyde]] var sentrale aksjonærar og tok leiinga. Ny kapital blei tilført, for å modernisere anlegga og auke drifta.<ref>[[Sigmund Monen]], ''[[Frå gamle gruvetradisjonar i Setesdal til arbeidarkultur i Evje]]'', utgjeve av Evje og Hornnes kommune, 2016, side 169</ref>

Drifta ved Flåt gruve stansa opp i 1920. Fem år seinare blei Evje Nikkelverk slått konkurs. Gruvedrifta på Evje kom i gang igjen i 1927. Men då var det ikke lenger Evje Nikkelverk, men eit nytt selskap, [[Raffineringsverket AS]], som overtok gruveanlegget og smelteverket og dreiv dette vidare til gruvedrifta stogga for godt i 1946.

==Kjelder==
*[[Olav Arne Kleveland]], ''[[Flot nikkelgruve - Evje nikkelverk]]'', hefte utgjeve av [[Evje og Hornnes sogelag]], 2000, side 5
*''Evje Nikkelverk'' på www.grinebiter.com
*[[Olav O. Uleberg]] og [[Olav Arne Kleveland]], ''[[Kultursoge for Evje og Hornnes]]'', band 2, 2003, side 43 flg.
*[[Sigmund Monen]], ''[[Frå gamle gruvetradisjonar i Setesdal til arbeidarkultur i Evje]]'', utgjeve av Evje og Hornnes kommune, 2016, side 127 flg.

== Referansar ==
<references/>

[[Kategori: Næringsliv i Evje og Hornnes]]
[[Kategori:Etableringer i 1872]]