Sjå kjelda til Børtemannsbekken turløype

'''Børtemannsbekken turløype''' er ei turløype ved [[Børtemannsbekken]] på [[Hovden]] i [[Bykle]]. Det er ein merka rundtur som følger begge sider av bekken omlag tre km. Turen går opp over tregrensa og gir fin utsikt mot [[Hovden landskapsvernområde]] som bekken grensar til mot nord.

Løypa har moderat stigning utan bratte partier. Men ho kan være utfordrande ved stor vassføring. Ein må då kanskje følge same vegen tilbake til utgangspunktet. Det er inga bru over elva, så ein må vade.
Løypa på nordsida har mykje svaberg, og ved regnvær kan det være glatt. På sørsida går løypa på smal sti, og følger same trasé som Turistforeninga si løype til [[Tjørnbrotbu]].

Turen passar for familiar. Men born må ha assistanse ved kryssing av bekken, og må vere under oppsyn av vaksne grunna den stundevise store vassføringa. Turen er markert som krevjande. Men det skuldast bare at bekken må vadast. Elles er terrenget lett å gå i.

== Korleis kome dit ==
Ein kan starte ved parkeringa vis á vis [[Hovden Fjellstoge]]. Ein følger vegen forbi [[Hovden Appartement]] og inn i [[Hovdeseter hytteområde]]. Herfrå er det merka til stien som følger bekken sørover.
Alternativt kan ein starte nær Hovden sentrum ved å følge grusveg ved undergangen på [[Riksveg 9|Rv-9]] ved [[Hovden Høyfjellsenter]]. Følg grusvegen forbi Hovden vassverk og inn til Børtemannsbekken der løypa er merka. 

== Kjelder ==
*Omtale av turløypa på Ut.no

== Eksterne lenker ==
*[http://ut.no/tur/2.4713/ Omtale av turen på Ut.no]]

[[Kategori:Turløyper]]
[[Kategori:Bykle]]