Sjå kjelda til Fånefjellstunnelen

[[Fil:AA_Bygland_Fånefjellstunnelen_sørfra_Wcr.JPG|thumb|Tunnelinngangen på sydsida<br />''Foto:Siri Johannessen'']]
[[Fil:AA Bygland halvtunnelen rundt Fånefjell sør Wcr.JPG|thumb|Halvtunnelen på sydsida<br />''Foto:Siri Johannessen'']]
'''Fånefjellstunnelen''' er ein tunnel på [[riksveg 9]] i [[Bygland kommune]]. Tunnelen ligg mellom [[Lauvdal]] og [[Longerak]] og går gjennom Fånefjellet, som her stikk ut i [[Byglandsfjorden]]. Den vart bygd i 1962 og er 611 meter lang. Før tunnelen vart bygd, gjekk vegen i ein halvtunnel frå 1923 som gjekk rundt neset. Denne kan ein framleis sjå, men på grunn av faren for steinsprang, kan han ikkje nyttast.

==Kraftutbygginga==
Det var utbygginga av [[Otra]] som var grunnen til at tunnelen måtte byggjast. Dei store elementa som skulle nyttast i kraftstasjonane til [[I/S Øvre Otra]] kunne ikkje fraktast i den tronge halvtunnelen som gjekk rundt fjellet. 

Ei vandresoge har festa seg til arbeidet med Fånefjellstunnelen og går slik: Ved utlysing av anbod var det to brør frå Setesdal som klart hadde det lågaste anbodet, og vart kalla inn av ansvarleg ingeniør hjå Vegvesenet. Dei forklåra at dei skulle arbeida innover frå kvar sin kant til dei møttes inne i fjellet. 
:-Men om de ikkje treffer kvarandre, undrast vegingeniøren? 
:-Jau, då fær De tvo tunnelar til same prisen, var svaret.

Tunneldrivinga var ikkje heilt lett med dårleg fjell sume stadar. Fjellmassen vart bruka til utbedring av den bakkute og krokute riksvegen sørover mot [[Longerak]], som nå vart til den beste vegstrekninga i Bygland kommune i mange år framover. Fjellsidene i tunnelen vart kvitmåla, men gjennomkøyring på ein ljos dag var ikkje så lett. Seinare kom det ljos og anna som er vanleg i dag.   

==Ulykker i Fånefjellstunnelen==
*24. juni 2008 vart ein syklist påkøyrd bakfrå inne i tunnelen og frakta til Sørlandet sykehus i Kristiansand<ref>[http://www.vg.no/nyheter/innenriks/artikkel.php?artid=500890 Syklist skadd i påkjørsel i Setesdal]</ref> 

==Referansar==
{{reflist}}

==Kart==
{{#display_points:58.778501,7.834454|type=terrain|zoom=13}}

==Eksterne lenker==
*[http://loype.kulturminneaaret2009.no/kulturminneloyper/faanefjell-vegmiljoe-2013-nasjonalt-verna-vegminne Fånefjell vegmiljø – nasjonalt verna vegminne]

[[Kategori:Riksveg 9]]
[[Kategori:Bygland]]
[[Kategori:Etableringer i 1962]]