Setesdalslaget i Amerika
Setesdalslaget eller Sætesdalslaget vart grunnlagd 30. juni 1909 i Grand Forks, North Dakota i USA. Den fyrste leiaren var Bjørgulv D. Bjørnaraa, medan Grunde Grundeson var skrivar.
Laget avheld årsmøte, og viss ein møtedag kom på ein sundag vart ein luthersk gudsteneste ein del av programmet. Møteprogramma kunne innehalde alt frå talar, foredrag og musikk til folkedans, film med meir. Dei premiera og dei finaste bunadane.
I 1915 sende dei ei minnegåve på 2,286 dollar til Setesdal. I Byglands soge nemnes det at kvart av dei fire sokna i 1916 fekk ei pengegåve[1]. Setesdalslaget i USA har fleire gonger gjeve gåver som skulle nyttast til hjelp for trengjande i sokna i Bygland[2].
I leiinga
Namna er skrive så som Norwegian American Historical Association skriv dei i oversynet over arkivet etter Setesdalslaget. Tida det dekker er omlag frå 1956 til 1996.
Leiarar
- Bjørgulv Bjørnaraa (1909-42)
- Olaf Neset (1942-48)
- T.O. Lien (1948-50)
- Thore Skomedal (1950-57)
- Knute B. Knutson (1957-58)
- Osmund Haugen (1958-70)
- Andy Nomland (1970-73)
- Dreng Bjørnaraa (1973-1974)
- Oliver Lien (1974-)
Skrivarar
- Grunde Grundsen (1909-1913, 1916-17)
- Gustav C. Torguson (1913-16)
- John G. Johnson (1917-19)
- Halvor Omlid (1919-26, 1948-50)
- T.O. Lien (1926-48)
- Selma Bjørnaraa Johnson (1950-)
Kjelder og fotnoter
- Hodnefield, Jacob: Norwegian-American Bygdelags and their Publications (Volume 18: Page 163) på The Norwegian-American Historical Associations nettstad (via wayback machine 30.11.2014)
- Oversyn over dokument om Setesdalslag hjå NAHA (pdf, nummeret på samlinga er P0465, sett 4. januar 2025)
- ↑ Lande, Aasulv: «Kommunestyringi» i Byglands soge, side 106, utg. 1939.
- ↑ Bolling, Reidar: «Kyrkja og kristenlivet» i Byglands soge, side 408, utg. 1939.