Sagneskar
Sagneskar er ein gard (gnr. 41) i Valle like nord for Valle kyrkje. Han ligg i det som etterkvart har vorte sentrum i Valle, saman med Kjelleberg. Kommunehuset i Valle ligg på Sagneskar sin grunn. Garden har fire bruk.
Historie
Likt med nabogarden Kjelleberg reknar ein med at Sagneskar heilt visst fanst alt i tida før Svartedauen. Men garden høyrer nok ikkje med mellom dei aller eldste i Valle.[1]
Sagneskar hadde støylane sine i Finndalen (Neiretjønn og Bølet), på Midtfjøddi og i Stavedalen. På grensa mot Ramsvatn i Fyresdal låg Krokestøyl, som truleg vart brukt for lenge sidan. Det same skal gjelde Vøylestøylen på Midtfjøddi. Kvernhusa på garden stod i Vikebekk.[2]
Stadnamn i Sagneskar
I hovudoppgåva Nokre stadnamn frå Valle i Setesdal nemner Dreng Uppstad åtte stadnamn frå innmarka og tre frå utmarka.
Innmark
- Bonefura
- Leikvollen
- Linåkeren
- Pilene
- Ryningen
- Skardåkeren
- Skeidvollen
- Stigandshella
Utmark
- Auvershage
- Hjelle
- Nedretjørn
Litteratur
- Alfred Ryningen, Valle kommune IV Gards- og ættesoge Valle, utgjeve av Valle kommune, 1987, side 474-515
Referansar
- ↑ Alfred Ryningen, Valle kommune IV Gards- og ættesoge Valle, utgjeve av Valle kommune, 1987, side 475
- ↑ Valle IV, side 479