Hornnesmarsjen
Hornnesmarsjen er ein årleg turmarsj som starta i 1977. Arrangør er Hornnes marsjforening.
Marsjen går ut frå Hornnes barneskule og går i lett og greitt terreng oppover Dåsvannsdalen. Han er tilrettelagt for barnevogner og rullestolbrukarar. Ein kan gå tre lengder, ei løype på fem km som går opp til Kallhovd og tilbake, ei på 11 km der ein snur på Støylen og ei på 17 km som går heilt opp til Uleberg før retur. Alle løypene har rasteplassar undervegs. Det vert delt ut medalje eller pins til alle deltakarar.
Start
- I 2010 gjekk marsjen 5. september med start frå klokka 08:30 til 10:30
- I 2013 gjekk marsjen 1. september
- I 2014 gjekk marsjen 31. august 2014 med start frå klokka 08:30 til 10:30
- I 2015 gjekk marsjen 6. september 2015
- I 2016 gjekk marsjen 4. september 2016 med start frå klokka 08:30 til 10:30
- I 2018 gjekk marsjen 2. september 2018 med start frå klokka 08:00 til 10:30. Det var om lag 145 deltakarar
- I 2019 gjekk marsjen 1. september 2019 med start frå klokka 08:00 til 10:30. Det var om lag 160 deltakarar
- I 2020 gjekk marsjen 6. september 2020 med start frå klokka 08:00 til 10:30.
- I 2023 gjekk marsjen 3. september 2023 med start frå klokka 08:30 til 10:30.
Historikk
Det første året Hornnesmarsjen vart arrangert, i 1977, var ein prøvemarsj. Arrangørane reknar ikkje med dette året når dei deler ut medaljar til deltakarane. Frå 1978 til i dag (2019) er marsjen arrangert kvart år (42 gonger).
I prøveåret 1977 gjekk rundt 350 personar marsjen. Aller flest deltakarar var det i 1982, då heile 711 personar gjennomførde. Dei siste åra har deltakinga mykje ligge mellom 150 og 180 personar. 31. august 2014 gjennomførte berre ca 100 stk. Den låge deltakinga skuldast truleg eit voldsomt regnvær i Evje og Hornnes denne dagen.
Initiativtakarar til marsjen var Inger Anne Wienenga, Tordis Leifsen, Alf Tore Moen og Einar Uleberg. Seinare har dei sentrale pådrivarane vore nemde Uleberg, Eivind Odd Kallhovd, Torgeir Moi, Sigrun Smeland og Anne Wikstøl.
Etter det ein kjenner til skal desse deltakarane ha fullført alle dei ordinære marsjane (pr. 2019):
- Eivind Odd Kallhovd
- Torgeir Moi
- Vidar Toreid
- Sigurd Wiberg
- Torgeir Hodne
- Einar Uleberg
- Geir Helge Nilsen
Så også
- Hornnesmarsjen i strålende høstsol - artikkel om Hornnesmarsjen 2018
Kjelder
- Setesdølen nr. 72, 2010 side 3
- Einar Uleberg, personleg samtale med medforfattar av denne artikkelen Geir Daasvatn, under Hornnesmarsjen 2014 søndag 31. august 2014
- Hornnesmarsjen, annonse i Setesdølen nr. 68, 2016, side 10