Besteland

Alle dei tre gamle hovudbruka på Øvre Besteland 9. desember 2025. Nærast bnr. 3, bnr. 2 i midten og lengst ifrå bnr. 1.

Foto: Geir Daasvatn

Besteland 6. september 2025.

Foto: Geir Daasvatn

Noko av Besteland med det digre Rastefjell i bakgrunnen. Gamle Rv-9 til venstre.

Foto: Geir Daasvatn

Besteland sett frå sør mot nord.

Foto: Geir Daasvatn

Fråflytta gardsbruk (bnr. 1) på Øvre Besteland.

Foto: Geir Daasvatn

Besteland er ein gard og lita grend på vestsida av Otra, heilt sør i Hylestad i Valle kommune. I sør grensar garden til Langeid i Bygland. Nord for Besteland ligg Helle. Riksveg 9 gjekk gjennom busetnaden i grenda i mange år, men er frå hausten 2020 flytta på baksida (vestsida) av husa. Litt opp i lia vest for Rv-9 ligg Øvre Besteland med fleire gardsbruk. Desse var dei gamle hovudbruka i garden. Bestelandsåne renn gjennom grenda i sør og ut i Otra.

Rv-9 mellom Besteland og Helle er utbetra. Den nye parsellen blei offisielt opna 2. desember 2021.

Heimar og bruk

• Besteland Der sør (Valle gnr. 71 bnr. 1)
• Besteland Der hite (Valle gnr. 71 bnr. 2)

Historie

Besteland må i si tid vere skild ut frå Helle. Ein må rekne med at Besteland var eigen gard iallefall før Svartedauden (ca 1350). Garden ser ut til å ha vore udela fram til først på 1600-talet. Men eingong før 1647 blei han truleg dela mellom to brødre, Sigurd og Bjørn Olssøner. Det eine av desse to bruka blei dela på nytt i 1679. Etter det ser det ut til å ha vore tre bruk i garden fram til år 1900. På 1960-talet budde det opp mot 40 menneske på Besteland. Det var fleire aktive sølvsmedar, ein treskjerar og ei bygdesag. I 2017 bur det bare kring 10 menneske i grenda.

Kjelder

• Ole Birger Lien, Flyttar aldri frå Besteland, artikkel i Setesdølen nr. 7, 2017, side 6
• Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 33
• Alfred Ryningen, Valle kommune I Gards- og ættesoge Hylestad, utgjeve av Valle kommune, 1985, side 18–67

Kart

Laster kart ...