Sjå kjelda til Gamle gruve

'''Gamle gruve''' er ei nedlagt kopargruve i [[Straumsheia]], ca. 780 moh. like på vestsida av [[Stavesvatn]], nord for [[Straumsfjorden]]. Ho ligg bare ca. 10 meter over vatnet, og i svært kort avstand frå dette. Gruvedrifta her var i eit grunt dagbrot, med eit par mindre synkar eit par stader. Det er teke ut koparmalm i den mørke amfibolitten, frå eit svært uregelmessig pegmatittfelt i den mørke amfibolitten rundt.<ref>[[Sigmund Monen]], ''[[Frå gamle gruvetradisjonar i Setesdal til arbeidarkultur i Evje]]'', utgjeve av Evje og Hornnes kommune, 2016, side 73</ref>

Den første til å drive etter kopar her var truleg [[Peder Lind]], som var i [[Straumsgruvene|gruvefeltet på Straumsheia]] i åra 1660–1680. [[Ola Songesand]] («Pilt-Ola») fann haugar av utbroten koparmalm i området, og greidde å smelte omlag 150 kilo kopar i 1823.<ref>''Frå gamle gruvetradisjonar i Setesdal til arbeidarkultur i Evje'', side 49</ref> Seinare dreiv [[Det Sæthersdalske Kobberværk]] i gruva kring 1845–1850.<ref>''Frå gamle gruvetradisjonar i Setesdal til arbeidarkultur i Evje'', side 53</ref>

[[Evje Nikkelverk IS]] overtok frå 1872 all muting av gruvene på Straumsheia, som hadde høyrt til Setesdalens Koparverk. Så seint som i 1910 gjorde dette gruveselskapet inngåande undersøkingar etter drivverdig malm i området rundt Gamle gruve. Men resultatet var negativt.<ref>''Frå gamle gruvetradisjonar i Setesdal til arbeidarkultur i Evje'', side 96</ref>

== Eksterne lenker ==
*[http://aps.ngu.no/pls/oradb/!minres_dsp_deposit.link_object?p_sprakobjid=N0000005366 Om Gamle gruve i Malmdatabasen til Norges geologiske undersøkelser (NGU)]

== Referansar ==
<references/>

== Kart ==

[[Kategori:Gruver i Valle]]