Sjå kjelda til Faremos undergang

[[Fil:Faremos undergang.jpg|miniatyr|Faremos undergang{{byline|[[Reidar Tveito]]}}]]
[[Fil:Faremos undergang 2008.jpg|miniatyr|Bortgjøymt etter mange år{{byline|Reidar Tveito}}]]
[[Fil:Faremos undergang 2010.jpg|miniatyr|Undergang og gangveg i 2010{{byline|Reidar Tveito}}]]
'''Faremos undergang''' er ikkje noko offisielt namn, men men eit namn som har oppstade på folkemunne om ein liten bit av [[fylkesveg 305]], Senumsveien. Dette er ein kort samanbindingsveg over [[Senumsund bru]], som går mellom rundkøyringa sør for [[Byglandsfjord]] på [[riksveg 9]] og [[fylkesveg 304]] på [[Gullsmedmoen]]. 

'''Senumsund bru''' vart bygd i 1965-66, og for å redusera kostnaden ved anlegget, ynskte vegsjefen i ein periode å nytta stasjonsområdet på Byglandsfjord som tilførselveg på austsida. Dette området låg aude etter at [[Setesdalsbanen]] vart nedlagt nokre år tidlegare. 

'''[[Byglandsfjord ungdomssenter]].''' Bygland kommune gjekk imot vegsjefen sidan det låg føre planar om eit stort ungdoms- og idrottssenter i området. Difor vart tilføringsvegen til brua lagt etter opphaveleg plan, frå riksvegen og etter [[Vetterveg]] framom [[Hampetjønn]] og tvert over den tidlegare traseen til jarnbanen. Vegen ville dela opp det planlagde ungdomssenteret. [[Osmund Faremo]] hadde arbeidd mykje med dette senteret, delvis for å bruka området til noko, og for å få til nye arbeidsplassar for alle som hadde gått tapt etter nedlegginga av banen og moderniseringa av [[Byglandsfjord Dampsag]].

'''For å betra sambandet''' mellom delane av idrottssenteret, meinte Faremo ein måtte få til ein undergong under Senumsveien samstundes som veg og bru var under anlegg. Vegsjefen gjekk med på dette, og undergongen vart støypt like ved brua. Ungdomssenteret vart det ikkje noko av sidan ein ikkje klara å skaffa kapital til så stort eit anlegg. Undergongen vart sidan bruka av nokre til båtopplag, og ymse ungdommar skaffa seg røynsle for tagging av betongveggane.

'''Til sin rett til slutt.''' Bygland kommune måtte byggja nytt [[Byglandsfjord renseanlegg]] like ved Senumsund bru, og på førespurnad om ein ikkje kunne få til ein gangveg samstundes gjennom undergangen, var svaret at det hadde dei alt tenkt på. I frå [[2010]] kunne ein gå samanhengande langs fjorden heilt frå slippen til [[DB Bjoren]], framom husa på [[Agderstrand]], over bryggane til [[Byglandsfjord Båtforening]], gjennom Faremos undergang, forbi [[Byglandsfjord psykiatriske senter]] og etter den gamle jarnbanelina til [[Vassend]]. Kommunen sette óg i stand jarnbanebrua på ein trygg måte.

==Kjelder==
*''[[Tiltakskontoret for Setesdalsområdet]] som man venter seg så store ting av'', [[Fædrelandsvennen]], 19. mars 1964. 
*''Bru over Senumsundet vert 50.000 kr. billegare ført over stasjonsområdet'', Fædrelandsvennen, 17. juni 1964.
*[[Reidar Tveito]], Byglandsfjord.

==Kart==
{{#display_points: 58.66532, 7.80570|zoom=15|type=terrain}}

[[Kategori:Byglandsfjord]]
[[Kategori:Stadnamn i Bygland]]