Sjå kjelda til Myhola

'''Myhola''' er eit nedlagt gardsbruk (gnr. 6 bnr. 5) i garden [[Ånebjør]] i [[Bygland vesthei]], om lag to kilometer aust for [[Beinsvatnet]] nær grensa til [[Åseral]]. Arealet skal vere godt og vel 8 000 mål. Den siste fastbuande i Myhola var [[Bjørgulv Myhola]] (f. 1872, d. 1968), ein mykje særmerkt mann som var kjent over heile landsdelen. Bjørgulv flytta frå staden i 1917.

== Historie ==
Gardsbruket var først støyl under Ånebjør. [[Orm Knutson Stranden]] (f. 1776, d. 1853) fekk bruke staden som husmannsplass frå 1822. [[Knut Ormson Myhola]] (f. 1805, d. 1868), son til Orm, fekk kjøpe Myhola i 1837. Då han døydde i 1868, gjekk bruket på auksjon til [[Tor Olavson Viki]]. Han flytta truleg aldri til Myhola, og selde bruket vidare til [[Svein Bjørgulvson]] i 1870. Svein var son til Uppstad-kjempa [[Bjørguv Eivindsson Uppstad]]. Mora var [[Sigrid Olsdotter Tveiten]]. Han dreiv med krøtterhandel. Han ala opp stutar som han selde, og brukte stutar som trekkdyr. Han døydde i Myhola [[20. april 1903]], og sonen Bjørgulv Myhola overtok gardsbruket. Han selde bruket til fru [[Margit Jebsen]] i 1916, og flytta altså frå Myhola året etter.

Fru Jebsen fekk ikkje konsesjon på kjøpet av Myhola, og ho selde bruket vidare til [[Olav L. Arneberg]] og [[Knut L. Arneberg]] alt i 1917. Dei eigde Myhola til 1932. Då tok [[Svenke Bjørgulvsen]] bruket tilbake etter odelslova. Svenke budde ikkje fast i Myhola, men var der om somrane og gjætte og slo. 

I 1968 selde Svenke Myhola til [[Erik Gilbert Jebsen]], eldste son til [[Oscar Jebsen]]. I 1974 tok [[Peter Mentz Jebsen]] over bruket etter far sin. Heimelshavar til 2021 var [[Tom Erik Jebsen]] (f. 1957). Men frå februar 2021 er eigedomen overdrege til dei to sønene hans [[Nikolai Jebsen]] (f. 1984) og [[Gustav Jebsen (f. 1987).

== Kjelder ==
*[[Reidar Vollen]], ''[[Bygland gard og ætt]]'', bind I, utgjeve av Bygland kommune, 2002, side 500–508
*[https://www.seeiendom.no/services/RestrictedGrunnbok/RestrictedGrunnbok.svc/GetGrunnbokinfoPage?knr=938&gnr=6&bnr=5&fnr=0&snr=0&customer=kartverket Grunnboka hos Statens Kartverk]
*[[Svein Inge Olsen]], ''[[Den siste av dei gamle]]'', utgjeve på eige forlag, 2021, side 51–53
==Kart==
{{kart|58.8681861,7.5477306}}

[[Kategori:Garder i Bygland]]