Sjå kjelda til Åneland skule

'''Åneland skule''' var den første faste skulen i [[Evje]]. Skulen starta opp i oktober 1849 og var i drift fram til 1959.

Gardane som høyrde til skulen var [[Åneland]], [[Haugen (Evje og Hornnes gnr. 53)|Haugen]], Landsverk, [[Odde]], [[Evje (Prestegarden)|Evje prestegard]], [[Åsland]], [[Tveit i Flatebygd|Tveit]], [[Flåt]] og [[Undeland]]. Bøndene på Tveit og Flåt søkte eit par år seinare om å få åtte vekers omgangsskule i Flatebygd, då det synte seg mest umogeleg å få barna fram til skulen på Åneland i den hardaste vintertida.

== Historie ==
Ein reknar med at skulen i [[Evje]] kom i gang i første halvdelen av 1740-åra. Evje var frå først av delt i to «skuledistrikt», «øvre» og «ytre». Det var to lærarar som hadde kvar sitt distrikt. Undervisninga var i vinterhalvåret. Lærarane for frå gard til gard og heldt omgangsskule.

Bøndene i Evje var visstnok ikkje særleg ivrige etter å gå over til fast skule. Men etter å ha drøfta saka i skulekommisjonen i ei årrekke, utan at noko skjedde, kom kommisjonen i 1845 fram til at ein fast skule burde leggjast til Åneland. Det drygde endå ei stund før vedtaket kunne setjast i verk. Men hausten 1849 kom skulen altså i gang. Den første tida var han i leigde lokale, i ei stove hos Tellef Olsen Hougen på nabogarden Haugen. Seinare, i 1862, kjøpte kommunen halvparten av eigedomen til læraren ved den faste skulen, [[Klemmet Syrtveit Åneland]], og våningshuset på eigedomen blei frå då av brukt som lokale for den faste skulen.  

I 1959 var det slutt med skule på Åneland. [[Evje barneskule|Det nye sentralskulebygget i Evje]] stod klart i 1957, og dei fleste mindre skulestovene rundt om i kommunen blei lagde ned.

== Kjelder ==
*[[Olav O. Uleberg]], ''[[Kultursoge for Evje og Hornnes]]'', utgjeve av [[Evje og Hornnes bygdeboknemd]], 1990, side 345-404
*[[Sigmund Monen]], ''[[Frå gamle gruvetradisjonar i Setesdal til arbeidarkultur i Evje]]'', utgjeve av Evje og Hornnes kommune, 2016, side 198-199
*''Bygdekalender for Evje og Hornnes 2002'', bladet for januar, utgjeve av [[Evje og Hornnes Mållag]]

[[Kategori:Utdanning]]
[[Kategori:Evje og Hornnes]]