Jonsplass (Sandnes)

Jonsplass var ein husmannsplass under bnr. 1 på Søndre Sandnes i Bygland frå byrjinga av 1800-talet til ca 1860. Plassen låg lengst nord av husmannsplassane på Søndre Sandnes, på øvre sida av vegen, rett ovafor Ydstehagen. I dag blir området brukt som beite og slåttemark. Men dei gamle murane med kjellar under skal framleis vere synlege.

Folk frå plassen

Plassen har namn etter rydningsmannen, Jon Steinson Sandnes (1745–1802). Jorunn Jonsdotter Skomedal (1805–1902) budde her ca 1842–1860 saman med mannen Jon Niklasson Skomedal (1804–1864). Jorunn «--- blir hugsa som ein meister i kveding og til å seie soger (fortelje eventyr). Ho blir rekna å vere mellom dei beste kvinnelege kvedarane og sogeforteljarane her har vore i Setesdal».

Kjelder

• Reidar Vollen, Bygland gard og ætt, bind VI, utgjeve av Bygland kommune, 2009, side 235–249