Gert Magne Høye
| Gert Magne Høye | ||
|---|---|---|
| Født: | 18. mars 1898 | |
| Død: | 8. mars 1972 (73 år) | |
Gert Magne Høye (fødd 18. mars 1898 i Øvre Rendal) var distriktslege i Valle og Bykle frå 1932 til 1946. Han tok medisinsk embetseksamen i 1923. Han var lege for kvalfangarar på Sør-Georgia og deretter konstituert distriktslege i Mesna frå 1926 til 1928, då han vart distriktslege i Dverberg (Andøya i Nordland), ei stilling han hadde til han kom til Valle. Han var gift med Gudrun Mathilde Høye, (fødd Ranheim 6. juni 1900). Barna Asbjørn Høye (fødd 19. august 1929) og Helge Høye (fødd 22. mai 1931) hadde barneåra sine i Valle.
Frå Valle reiste Gert Magne Høye til Elverum i 1946. Der vart han i ti år, då han flytta til Nøtterøy og var der dei 12 siste åra han hadde praksis som distriktslege til han vart pensjonist i 1968. Etter det vart han buande på Nøtterøy og hadde privatpraksis. Han døydde 8. mars 1972.
Krigsinnsats
Gert Magne Høye var leiar for XU (hemmeleg etterretningsteneste) i Setesdal under 2. verdskrigen. Dette var noko svært få visste om.
Bibliografi
- Sosialmedisinske undersøkelser i Valle i Setesdal (Brøgger) , 1941 - 187 s. ill.
- Minne frå krigsåra Artikkel i Jol i Setesdal 1970 side 16-18
Kjelder
- Jol i Setesdal 1970 side 16
- Gert Magne Høye hos genealogy.com
- Johan Christian Frøstrup og Bjørn Davidsen, Aust-Agder under okkupasjonen. Glimt fra krigsårene 1940-1945, Friluftsforlaget, 2. utgave 2018, side 421-422