Dyrskueplassen Evje

Dyrskueplassen der han er i dag, på idrettsbanen på Evjemoen.

Foto: Geir Daasvatn

Evje kommunale idrettsplass med Dyrskueplassen bak på byrjinga av 1960-talet.

Foto: Utlånt av Alf Georg Kjetså

Dyrskueplassen på Evje låg først i sandgropa som i dag er mellom REMA 1000 Evje og Odden Camping på Verksmoen. Ca. 1883 blei han flytta opp til området nær Evje stadion, der Evje kommunale idrettsplass seinare kom. Grunnen til flyttinga var at Evje nikkelverk skulle bruke staden sjølv til sandtak. I juni 2012 blei Dyrskueplassen flytta vidare, no til nordre enden av idrettsplassen i Søndre leir på Evjemoen.

Kjelder

• Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 162