Austenå gamle kyrkjegard

Restar av den gamle kyrkjegardsmuren.

Foto: Geir Daasvatn

Kyrkjegarden ligg inne i skogholtet.

Foto: Geir Daasvatn

Austenå gamle kyrkjegard var i bruk på Austenå i Tovdal i gamal tid, truleg før Svartedauden (før år 1350). Restar av kyrkjegardsmuren er framleis synlege på vestre breidda av Tovdalselva. Når det var kyrkjegard på Austenå, er det også mykje truleg at det i gamal tid stod ei kyrkje der.

Kyrkjegarden låg opphaveleg på eit nes i elva, på Austenå. Men ein gong i tida har det vore ein stor flom, der elva fann eit nytt løp. Noko av kyrkjegarden forsvann med flommen, og kyrkjegarden kom for ettertida til å bli liggande «Vestenå».

I følge munnlege overleveringar søkte folk til kyrkje på Austenå frå nærliggande gardar både i Fyresdal og Setesdal. Kanskje ligg det setesdølar gravlagde på Austenå.

Kjelder

• Kåre Rudjord, Vesle vakre Tovdal kyrkje, utgjeve av Åmli historielag og Åmli mållag, 1998, side 15–20

Kart

Laster kart ...