Hodron
Foto: Geir Daasvatn
Hodron er ein stad like ovafor Saurbrunsfossen i Nordåna i Grendi i Bygland. Det er eit stort masseuttak på staden. Vatnedalsvegen (skogsbilveg) går like forbi.
Kraftverksplanar
Under planlegginga av Landeskogen tuberkulosesanatorium tidleg på 1900-talet var planen først å bygge kraftstasjon i Nordåna for å skaffe straum til sjukehuset. Inntaksdam var tenkt bygd ved Hodron, nær toppen av Saurbrunsfossen. Det blei kila ut stein til dammen og sprengt ut kanalar for dammen og røyrgata. Kraftstasjonen skulle ligge nedanfor Husbakkfjellet. Men planen blei etter kvart skrinlagd. Kraftstasjonen blei i staden bygd på Longerak.
Kjelder
- Eystein Greibrokk, Skogsstien frå Greibrokk, stykke i Setesdal og setesdølar, årsskrift for Setesdal sogelag, 2026, side 103–110
- Norgeskart.no