Fylkesveg 3778

Fv-3778 ved Volefossen i Hornnes 16. oktober 2018.

Foto: Geir Daasvatn

Fylkesveg 3778 (tidlegare Fylkesveg 304) går på vestsida av Otra frå Krossen i Evje og Hornnes kommune til Straumsland i Bygland kommune. Den kallast lokalt og Senumsvegen, og han er 38,2 km lang. Vegen er omkøyringsveg for Riksvei 9.

• Vegen tek av frå fylkesveg 303 ved Krossen på vestsida av Otra i Evje og Hornnes.
• Han passerer mellom anna Birkeland, Horrebakken, Moseid og Langemyr før den kjem til
• Gullsmedmoen der FV305 forbinder Byglandsfjord med vestsida av Otra.
• Etter krysset går vegen vidare langs Bukkenes, Senum, og føre Horverak passeras kommunegrensa med Bygland.
• I Bygland ligg Bø, Sines, Breienes før ein sideveg ved Appledokk fører opp til Dale.
• Etter Frøyrak går vegen på vestsida av Frøyrakshorgi, forbi Berge før Nånestunnelen.
• På nordsida av tunnelen ligg Nånes, Mele, Skjevrak, Stallemo og Stigemo førenn vegen møter riksveg 9 synnafor Straumsland.

Historie

Den første køyrevegen som blei arbeidd opp i Evje og Hornnes, var truleg kjerrevegen mellom Fennefoss og Gullsmedmoen. Vegen blei teke i bruk i 1804. Dette var forlauparen til vegen som går på vestsida av Otra i dag. Stykket frå Frøyrak til Storstraumen kom sist. Dette strekket blei kosta av kraftverksutbyggarane i samband med reguleringane av Byglandsfjorden.

Kjelder

• Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 242
• Olav Bø, Setesdal – frå utkantbygder til kraftsentrum, Det Norske Samlaget, 1991, side 172